影片
更多
2023-11-16
39 瀏覽
放假最鍾意同閨蜜去發掘打卡cafe，今日就搵咗一間喺黃大仙中心入面既「嘆嘆」，主打台式輕食、奶蓋千層蛋糕、手打芋圓甜品、咖啡等等，重點係見到餐牌既價錢非常經濟，岩哂我呢啲小資女。餐廳環境好靚，餐廳走文青森系風，有種入咗花花世界嘅感覺，座位都幾寬敞舒服。滋潤椰子雞湯配紫菜白飯好耐冇飲阿媽靚湯，點知發現原來呢度有燉盅湯可以嗌，而且仲有好多款湯可以揀，簡直花多眼亂。我就揀咗椰子雞湯，好清甜，而且無味精，勁健康🫶🏻燉左咁耐既雞肉仲好滑溜，撈埋紫菜飯一齊食好正，大推！小食叫咗兩款脆香甜不辣第一次食炸既甜不辣，炸衣好酥脆，好鍾意呢個口感，煙煙韌韌，沾左甜醬更加好食。花雕醉雞翼醉雞翼經過冷藏之後肉質比較偏實，食得出微微花雕酒味，味道唔算好濃烈，無論鍾唔鍾意酒味嘅人都會覺得呢款雞翼好食。黎到我期待已久既招牌珍珠奶茶奶蓋千層蛋糕，千層蛋糕上面係多到滿瀉嘅奶蓋同埋黑糖珍珠，賣相非常吸引。奶蓋好滑，充滿奶味，黑糖珍珠煙煙韌韌，千層蛋糕做得好靚，班戟皮好薄，每層都夾住忌廉，但又唔會覺得好漏，超級正，果然係招牌菜。嘆嘆抹茶紅豆大盛估唔到係咁大份，兩個人share食都冇問題，3.6牛奶抹茶沙冰做底，上面有抹茶凍、
餐廳環境好靚，餐廳走文青森系風，有種入咗花花世界嘅感覺，座位都幾寬敞舒服。
滋潤椰子雞湯配紫菜白飯
好耐冇飲阿媽靚湯，點知發現原來呢度有燉盅湯可以嗌，而且仲有好多款湯可以揀，簡直花多眼亂。
我就揀咗椰子雞湯，好清甜，而且無味精，勁健康🫶🏻燉左咁耐既雞肉仲好滑溜，撈埋紫菜飯一齊食好正，大推！
小食叫咗兩款
脆香甜不辣
第一次食炸既甜不辣，炸衣好酥脆，好鍾意呢個口感，煙煙韌韌，沾左甜醬更加好食。
花雕醉雞翼
醉雞翼經過冷藏之後肉質比較偏實，食得出微微花雕酒味，味道唔算好濃烈，無論鍾唔鍾意酒味嘅人都會覺得呢款雞翼好食。
黎到我期待已久既招牌珍珠奶茶奶蓋千層蛋糕，千層蛋糕上面係多到滿瀉嘅奶蓋同埋黑糖珍珠，賣相非常吸引。奶蓋好滑，充滿奶味，黑糖珍珠煙煙韌韌，千層蛋糕做得好靚，班戟皮好薄，每層都夾住忌廉，但又唔會覺得好漏，超級正，果然係招牌菜。
嘆嘆抹茶紅豆大盛
估唔到係咁大份，兩個人share食都冇問題，3.6牛奶抹茶沙冰做底，上面有抹茶凍、糯米糍仔、紅豆、鯛魚燒同埋雲呢拿雪糕，抹茶口味好濃郁，口感清新，仲好香牛奶味，好鍾意食抹茶凍，健康又唔肥，非常推薦。
餐廳連飲品都做到好精緻，我哋叫咗「夢」
即係士多啤梨藍橙乳酪沙冰，呢杯飲品好高顏值，糖果色好岩打卡，沙冰唔會死甜，飲得出士多啤梨乳酪味好濃👍🏻
蘋果青檸草莓烏龍茶
採用左台灣凍頂烏龍茶做底，加入咗蘋果青檸草莓，烏龍茶茶膽香濃，仲有陣好香水果味，餐廳仲配咗龍眼花蜜，而且配搭得好好，仲好養生，好鍾意。
張貼
