點點心 (已結業)

黃埔站通車翌日即刻過嚟獵食原本喺openrice睇中一間，點知去到見到價錢貴咗一截，好在行過B出口見到呢間點點心，門口棟咗個易拉架，話晚餐$38有盅飯套餐，低價引誘之下決定一試。$38套餐有飯一盅（其實係煲仔）、生菜一碟、點心一款、汽水一罐，另加$3茶錢。鳳爪排骨飯飯方面有四款選擇，menu仲會轉唔同款。叫咗最經典嘅鳳爪排骨飯，雖然平，份量都唔輸蝕畀經典比例：兩隻鳳爪配>五舊排骨。最滿意係排骨冇好多酒樓過肥嘅弊病，仲有不少軟骨位沙薑雞扒飯比較新穎嘅配搭，雞扒賣相比較平庸，係點心獨有嘅雞味。沙薑相對出色。炸雲吞點心一樣有四款選擇，份量同單點$2x嘅冇分別。炸雲吞係standard嘅三件，仲有大大隻蝦喺餡度，擺咗一陣入口依然好脆，不過睇到啲油就有啲驚嚕。蘿蔔糕蘿蔔糕應唔應該有原粒蘿蔔喺入面？相信呢個可以係社會學thesis topic。不過以上答yes嘅同學就一定鍾意呢味。相中已經可見一舊舊蘿蔔，入口亦相當出色，唔會淨係𡁻到一團粉。套餐供應時間係6-10pm，相信通車後不久應該又會漲價，想食平嘢真係要把握時間。