Niksen Koffie (已結業)

鍾意文青咖啡店嘅我呢個weekend嚟咗呢間黃埔新開嘅cafe 呢個cafe空間感十足😌 檯與檯之間隔得非常遠 真係好舒適 啱晒同好友坐低密密斟 chill一下😙日式和風章魚燒薄餅Pizza上面有章魚粒 木魚碎 紫菜絲 同章魚燒醬 真係好有日本感覺🥰 pizza係薄身嘅 所以pizza嘅邊好夠脆 章魚粒幾有口感 Pizza拉出來仲有芝士拉絲添啊🧀避風塘香辣軟殻蟹意粉有成隻軟殻蟹喺意粉上面呀😻 炸軟殼蟹上面仲有炸蒜 非常惹味香口🤓 意粉有返咁上下辣度 真係有避風塘嘅風味㗎🍝香印提子拿破崙芭菲呢個係最吸引我嚟嘅甜品💛 芭菲上面竟然有拿破崙 真係滿足晒視覺同味覺啊😋 拿破崙做得好鬆化 芭菲入面就有脆米 蒟蒻 麻糬同香印提子 整體口感好豐富🍨 好味到覺得唔夠喉 想再叫多個添呀 不過已經食到好飽 食唔落啦😳飲品嚟cafe又點可以唔叫咖啡☕️ 熱鮮奶咖啡 熱平白咖啡 兩杯都有拉花 好有心思 呢度嘅咖啡都幾正睇返cafe嘅社交平台先知Niksen係荷蘭人嘅放空哲學😮 如果想喺cafe放空嘅朋友又多一個新選擇啦😛