Niksen Koffie (已結業)

晚飯約朋友去Niksen Koffe 真係好舒服，柔柔嘅燈光加上環境設計，非常適合同朋友聚會。餐廳內有live music，氣氛好好。白酒牛油汁煮鮮蜆 $128蜆肉夠新鮮大隻，無沙。白酒嘅牛油汁雖然係好常見嘅西餐處理海鮮類嘅汁，但要整得好食都唔係咁易，呢個酒香裡食到牛油味，比例啱好。三文魚排牛油果雞蛋花椰飯 $108健身keep fit 朋友之選，三文魚扒煎到皮脆肉滑，牛油果再增加滑嘅口感，花椰菜切碎當成飯，高纖低碳，飽肚又唔易肥。啱晒生酮飲食既朋友。日式和風章魚燒薄餅 $98新口味嘅pizza值得一試，日式照燒醬非常惹味，加埋紫菜同木魚碎，有更豐富嘅口感，章魚粒爽口彈牙，海鮮味足夠， 章魚燒嘅味道但薄餅咁食更好。香印提子拿破崙芭菲 $98除咗係一個好襯餐廳環境用嚟打卡嘅甜品外，仲係一個估佢唔到材料會咁豐富嘅甜品。拿破崙餅鬆脆，好甜嘅香印提子配合檸檬雪葩，甜酸有個好好嘅配合，好夾，仲有其實配料增加口感。