滿屋廚房 (已結業)

平時多數喺油尖旺地區四處覓食，鐘意捐窿捐啦搵一啲比較抵食嘅餐廳，而近期黃埔站一出令到附近嘅餐廳愈來愈多，所以今次就約了朋友一齊去黃埔食好西。今次去呢間餐廳除咗有嘢食之外原來仲擺放咗好多不同精品，點完餐之後去睇吓都唔錯。餐牌方面都有好多不同菜式選擇，特別東南亞嘅菜式選擇都非常之多。東南亞風味拼盤拼盤上枱時都熱辣辣，當中包括有蓆蝦、魚餅、炸蝦，非常豐富。個人都鍾意佢個拼盤，特別魚餅帶有丁點檸檬葉味，食嘅時候更加清新。新加坡雞飯賣相精緻，而且雞嘅份量都幾多，加埋油飯份量都幾夠，而佢個雞肉亦相當嫩滑，加埋薑蓉、甜豉油真係回味無窮。洋甘菊花茶洋甘菊味道濃郁清新，依家天氣凍凍地飲一個熱嘅花茶真係恰到好處。除此之外，佢哋更設有自助區方便客人自己浸水，以及攞不同嘅醬料。