饗 車仔麵 (已結業)

饗絕對係一間黃到金嘅食店嚟！仲要係一間好食嘅黃店！尋晚同妹妹再次嚟光顧，因為今次比較早嚟，唔洗排隊就可以入座了！坐低一人點咗個四餸一麵同一個小食加豆漿！店內有提供比客人係開餐時前消毒雙手嘅搓手液，更貼心係附上一個比客人暫放使用過嘅口罩紙袋！我個碗車仔麵叫咗粗麵配麻辣湯底，餸方便有陳皮魚蛋，鮮蝦腐皮卷，豬紅同醉饗蛋！而妹妹就叫咗粗麵配沙嗲汁，而餸方面就有蘿蔔，豬大腸，雞腎同醉饗蛋！我哋一致認為個陳皮魚蛋係最正，而個醉饗蛋係最特別的，入口有少少酒味加上糖心，真係超正！必點之選！還有我覺得個麵底係比一般車仔麵份量還要多的！真係食到超飽的！小食我哋就叫咗沙嗲魷魚同蒜泥白肉！前者爽口惹味，後者非常之刺激味蕾！喜歡辣嘅朋友不妨挑戰一下！兩個人食咁多嘢食到飽飽都只係一人HK$80左右！真心抵食又好食！