北京酒樓 (已結業)

今日同朋友慶祝生日，一行九人去到~本身諗住叫個六人餐再散叫~但佢地話咁樣係唔得KAWO~其實我都有D唔明點解唔得。叫左個好似係8-9 人既餐，都幾多野食頭盤係一D凍肉之類既~我覺得幾好食~幾有北京既特色，唔錯。之後來左個手撕雞，我個人覺得麻麻~佢撕得有D「乸西」，然後來左個唔知咩海蜇頭，我無咩食到，因為好重芫茜味。有個葱爆牛肉，好難食，真係唔好食，好似我係CANTEEN 食O個D 咁...有個雲腿津白，呢個真係唔錯，肉同D菜一齊食就好好食啦~有個唔知咩麵條，味道同上海粗炒一樣，但係D麵就唔知咩粉來~~感覺無咩味環境就古舊FEEL~同普通茶樓差唔多服務都無咩KALA~有少少參差不齊咯~略嫌味道同價錢唔成正比。