燕萍越南餐廳 (已結業)

星期日行街經過，入去試咗烤牛肉卷($25)、香茅豬扒湯河($29)同炸蝦餅飯($36)。烤牛肉卷先上，兩條卷切開四件，食落覺得味道不濃，清清地，ok嘅，不過塊皮韌韌地。炸蝦餅就好香，咬落亦覺彈牙，不過啲飯凍又硬，真係乾哽。豬扒湯河冇乜香茅味，塊豬扒我就嫌太乾，不過味道ok，河粉亦滑，算係三樣嘢之中最好。有加一，埋單要$99，質素麻麻，唔講得抵食。