烤魚叔叔 (已結業)

天氣熱辣辣🥵，今日想食啲麻辣嘅嘢，於是就去咗尖沙咀烤魚叔叔食烤魚啦！餐廳透光度一流，環境衛生好好，令我食得好放鬆同舒適。餐牌唔止有多款烤魚，仲有好多唔同嘅火鍋配料同串燒添，好豐富呀。🙆‍♀️🐟 鮮青椒爽麻烤魚。我試咗佢哋嘅招牌鮮青椒爽麻烤魚，魚我就揀咗江團魚。唔唔唔唔😌，食落淡淡魚肉，魚香濃郁！烤魚汁好濃郁，亦都唔會蓋過魚嘅鮮味！味道好豐富，好暖胃！超🈵足😊食完烤魚，梗係要嗌啲配料嚟打邊爐啦，一鍋二食！好正！我哋叫咗特級蟹棒，同魚腐，因為呢兩樣嘢都係可以好充分咁沾滿烤魚汁，咁咪唔會嘥晒啲烤魚汁囉😙 特級蟹棒好有蟹味，用嚟打邊爐就一流啦！魚腐就更加唔使講啦，係打邊爐必叫嘅嘢，魚腐嫰滑，外皮脆脆，出色！☺️其實本身都夠飽，但見到呢個🍆燒茄子，實在抵唔住誘惑一定要叫黎食呀！燒茄子燒到超香軟，上面仲充滿蒜頭🧄，比一隻手掌大嘅茄子，好正囉🥳