麻辣風雲 (已結業)

朋友們都話我係重度辣控，無辣不歡既最佳代表！成日係instagram見到好多人食麻辣風雲，川菜界都相當出名，既然有時間就去試一試，睇下岩唔岩我嘅口味先。麻辣風雲係多區都有分店，各間分店嘅地理位置都算方便，我前日約朋友一齊係港鐵站出發，行左幾分鐘就到。裝修重中國古代風，提早訂座就唔洗點等就入座，不過都見到唔少人係外面排緊隊，果然充滿人氣。聽聞水煮魚係必食必點既菜式，份量大並且價錢合理，連加一三百蚊有找，作為重辣者，我點了中辣中麻，果然辣得幾爽，水煮湯湯底辣得好惹味，辣油滿滿，有好多辣椒。湯內有魚片之外，仲有豆卜做配料，全部都索哂水煮湯既麻辣味，我地一路食一路出汗。魚片無骨已經完勝，撈埋飯食認真唔錯。