Norway House (已結業)

今日嚟到尖沙咀，想搵間小食店食下午茶，食少少野過多陣就可以食晚餐，所以今次就揀咗呢間Norway House。維京漢堡同普通嘅漢堡包唔同，中間嗰塊係魚扒，幾fresh幾好食，個魚扒都唔會乾，如果個麵包表面再脆身啲仲好！煙三文魚溏心蛋好夾，生熟程度剛剛好，唔錯！但夾個時都小心，好易整跌。芝士魚蛋好多芝士，仲可以拉絲添！但就比較普通少少。我覺得最好食係麻辣脆三文魚，即叫即炸，啲麻辣味好香，三文魚又炸得夠脆身，如果再可以隔走啲油就更加好！