影片
更多
2017-09-30
1027 瀏覽
同朋友慕名而來旺角麻辣派，因為佢個海鮮大咖實在太吸引，$268每位，最少要點兩位份量，我們今晚三位。門口就放左個海鮮大咖的模型，等陣食果時就係呢盤勁野啦！等左45分鐘先有位，真係超多人。有自助食物吧給你夾冒菜。冒菜不是一種菜名，而是四川成都傳統食法，把各種放進湯裡的材料，一扎扎的束好，每束剛好一個勺子分量，就叫冒菜，店員有跟我們簡單介紹下，而汽水是任飲的。上桌！一大盤麻辣海鮮鍋，睇到都興奮！聞到湯料，好香麻辣味。這鍋海鮮大咖其實是煮熟了才上桌的，有6款海鮮，我們這個是小辣，因為有朋友唔食得辣。不過食左知道佢其實唔辣的，要再加辣，如果食得辣的人，我估要叫大辣先啱辣。可以叫店員攞麻辣湯倒落鍋裡，煮耐少少等佢入味。聖子好大隻，似係聖子王咁大條，爽口彈滑，好新鮮，不過食落都係唔夠辣，係麻香較多，要再加辣煮耐d。帶子都有中size咁大隻，最重要是食落就知新鮮！好喜歡佢仍然有鮮甜味，無被麻辣湯遮蓋本身鮮味。麻辣鍋底還有伴菜，就是薯粉和炸薯條，炸薯條放湯底內，真係第一次見，煮到吸晒d 湯淋晒，純粹要個薯仔香味在湯底。薯粉要記得撈下佢唔係就痴底，同埋要煮耐d先食，因為要吸湯味，所以個湯底有咁多海鮮料煮
門口就放左個海鮮大咖的模型，等陣食果時就係呢盤勁野啦！
等左45分鐘先有位，真係超多人。有自助食物吧給你夾冒菜。
冒菜不是一種菜名，而是四川成都傳統食法，把各種放進湯裡的材料，一扎扎的束好，每束剛好一個勺子分量，就叫冒菜，店員有跟我們簡單介紹下，而汽水是任飲的。
上桌！一大盤麻辣海鮮鍋，睇到都興奮！聞到湯料，好香麻辣味。
這鍋海鮮大咖其實是煮熟了才上桌的，有6款海鮮，我們這個是小辣，因為有朋友唔食得辣。不過食左知道佢其實唔辣的，要再加辣，如果食得辣的人，我估要叫大辣先啱辣。可以叫店員攞麻辣湯倒落鍋裡，煮耐少少等佢入味。
聖子好大隻，似係聖子王咁大條，爽口彈滑，好新鮮，不過食落都係唔夠辣，係麻香較多，要再加辣煮耐d。
帶子都有中size咁大隻，最重要是食落就知新鮮！好喜歡佢仍然有鮮甜味，無被麻辣湯遮蓋本身鮮味。
麻辣鍋底還有伴菜，就是薯粉和炸薯條，炸薯條放湯底內，真係第一次見，煮到吸晒d 湯淋晒，純粹要個薯仔香味在湯底。薯粉要記得撈下佢唔係就痴底，同埋要煮耐d先食，因為要吸湯味，所以個湯底有咁多海鮮料煮，一定夠味。
原來湯底遮住了一條秋刀魚，在湯底浸滿煮了一小時的情況下，呢條魚已經好快被我們消滅了，秋刀魚肉會硬身d, 咁先適合用水煮，唔會爛又入味。
蝦很新鮮！爽口，屬中size的大小，有好多隻，唔怪得個湯咁濃香，咁多蝦在煮一定有鮮味！
青口好大隻啊，又係很新鮮又有嚼勁，要浸多d湯食唔係唔夠味，因為青口可以濃味都唔怕。
蟹大隻又多糕，好有驚喜。已經斬件走過油，所以有脆脆地口感，加埋麻辣湯煮過，香辣惹味，D 肉食得出真係新鮮肉蟹，啖啖結實的蟹肉加蟹黃一齊食，唔停得口，而且佢斬好晒，食得方便，蟹鉗一下子就能拆開，啖啖蟹肉，推介！
今餐食左好耐啊，我們大食都覺得夠，因為仲有冒菜，例如煙肉﹑丸﹑蔬菜類等，埋單3 位$ 804，唔洗加一，試過這個四川麻辣風味的海鮮大咖，覺得都好易入口又惹味，下次要食大辣。
張貼
