金記小食酸辣粉

營業中

休息中

途經太子有間川菜小店，見好多人排隊所以又走咗去試。呢度主打酸辣粉同麻辣燙，除此之外亦有多款小食供應。價錢十分親民化，地點方便，可以外賣亦有站立堂食位置👍麻辣燙同酸辣粉可以自由選擇配料，亦有走辣到大辣。麻辣燙加配木耳、海帶、芝士丸、蟹籽丸、娃娃菜同手打牛肉丸。丸子爽口彈牙，蔬菜新鮮。薯粉感覺比較正宗，好Q好彈，吸滿湯汁。酸辣粉加咗木耳、海帶同魚蛋，魚蛋細細粒，幾彈牙，見其他人經過都有叫淨魚蛋做小食。另外有韭菜芫荽餃，6隻，外皮唔算好厚，餡料飽滿，超級好味道，大大力推介。好彩要埋魚肉湯，有驚喜，魚肉超多，啖啖肉，性價比好高。