碼頭故事 (已結業)

上個星期銅鑼灣行完街，近來天氣開始轉冷最適合打邊爐，建議間碼頭故事喺鄭崇光隔離，夠晒方便，就去試一試啦，一入到去裝修非常精緻，仲好有我返國內重慶食重慶火鍋的感覺。先來一個火鍋湯底麻辣和蕃茄，麻辣湯底非常之香，再叫了鯇魚片，鮑魚，油麥菜，蟹子丸，金菇，鵝腸。鮑魚非常新鮮，上到枱面都仲識得郁吓郁吓。個鯇魚片立立令亦都係非常新鮮。簡單啲來講所有嘢都好新鮮，打邊爐最緊要就係新鮮。最後整個甜品冰粉都好好味。唯一美中不足就係佢哋飲品選擇太少。呢間火鍋可以再試。