冒喜 (柏廷坊) (已搬遷) 新店位置

上環呢間隱世樓上舖「冒喜」真係打工仔福音！放lunch同班同事殺上去柏廷坊25樓，電梯門一開就聞到陣陣麻辣香，原來係呢間主打貴州風味嘅冒菜店。今次試佢哋招牌「吉祥套餐」，66自選六款餸+湯底+主食，加埋秘製小食同特飲，人均120食到捧住個肚走！🍲 湯底玩嘢程度爆燈！朋友叫左侍應哥哥極力推介「A3秘製香辣湯（升級版）」，話係用貴州燈籠椒+青花椒+牛油熬足8粒鐘。而我加$5轉「生椰番茄湯」，過癮！香辣湯小辣都好夠麻，椰茄湯清甜到飲晒成碗都唔口渴，仲食到粒粒番茄蓉同椰子絲，真材實料到呢～🐮 配料揀到選擇困難症發作！必點「潮汕手搥牛肉丸」咬落卜卜聲，爆汁程度拍得住潮州打冷！「牛黃喉」加$5抵俾，薄切到透光仲keep到脆卜卜，掛滿麻辣湯汁正到痺～ 同事喪讚「胡椒豬肚」醃得入味，豬肚彈牙得嚟冇雪藏味，加埋吸湯神器「芋絲」同「貢菜」，撈埋薯粉食到鼻水都流！🌶️ 隱藏食法大公開！原來可以問姐姐拎「魔鬼沾醬」—— 蒜蓉+芫荽+秘製辣椒油，點「B5藤椒魚皮」脆到似食緊麻辣薯片！飲品推薦「酸梅青檸扁龍茶」$15，鹹鹹酸酸解辣一流，仲有粒粒梅肉咬，好過飲汽水啦～不得不讚呢度服務真係好貼地，落單姐姐會溫馨提示「脆