原點 (已結業)

琴晚同朋友去完屯門一間Cafe之後就嚟咗元朗呢間here dessert甜品舖食甜品。舖頭裝修比較樸素，不過老闆喺鏡牆上面畫咗啲火影忍者嘅角色，又幾得意。睇一睇個Menu，一嚟就比佢個麻薯窩夫吸引住，又貪心想試心太軟，於是就揀咗佢嘅綠茶麻薯窩夫配朱古力心太軟，再揀咗芝麻味同綠茶味雪糕，而我朋友就揀咗椰汁西米露燉蛋白。好快佢個椰汁西米露椰皇燉蛋白就上到嚟，椰汁味好香，蛋白好滑，果然椰汁同西米露係絕配，好味！可能因為麻薯窩夫要慢慢撈完粉漿再焗，心太軟又要焗，所以等嘅時間比較耐。但上到嚟，賣相又真係好好睇喎。本身有啲擔心食完飯食唔哂，但佢好貼心，每樣野份量唔會太多，令眼闊肚窄嘅我哋都能夠試到唔同味得嚟又唔浪費食物，太好了。不一會兒，清盤！