阿爺八鮮鍋 (已結業)

麻甩佬天地行開旺角突然想打便爐，抬頭就見到超級大的招牌「阿爺八鮮鍋」，就上去試下。環境唔算大，食物質素都唔錯，刺身超新鮮爽口，好鮮甜。用料足，粉量夠。仲有封門牛絕對正👍🏻👍🏻試咗三款都好嫩口但點解我話麻甩佬天地呢？當日好似係老闆既人物熱情款待，但是講野非常之大聲，期間也夾雜著粗口，當然唔係鬧人，只係佢既助語詞，但如果帶埋家人長輩去食，真係會唔知點收科😅但如果成班麻甩佬去食就相當之爽，相信你地幾高談闊論都無問題，甚至老闆同你吹埋一份😂疑似老闆的人非常豪爽，仲好努力介紹門口有部波波機抽獎，叫我地一定要試下🥰女職員態度十分之好，縱使戴住口罩都睇到佢常帶笑容同你介紹每一道餸。