巷仔見麵館 (軒尼詩大廈) (已結業)

朋友帶我來到銅鑼灣嘅"巷仔見麵館"，特别的名字，古舊的香港情懷，還有少見的公雞碗。/由銅鑼灣站B出口出來，上天橋過埋軒尼詩道再行少少梯級就到咗麵館。有人帶路係唔同啲嘅。呢度可以食嘅嘢比想像中多好多，點咗"火山糖醋肉絲麵"和"地道鮮蝦雲吞湯麵“，好澎湃嘅火山真係幾特別，啲麵又炸到脆卜卜，又有糖醋加持真係以為食緊糖醋排骨之類嘅嘢，好正，一個麵有兩個口感。小菜方面作點咗“無骨海南雞”因為得兩個人所以點咗半隻，真係超級滑捋捋好鮮嫩呀好耐未試過咁嘅口感，估唔到喺麵館入面可以食到咁正嘅嘢，呢個真係超級推介。有啲後悔冇叫一隻，因為太好味太好味呀。另一個值得推介嘅係,"脆脆鳳尾蝦多士"30零蚊有三件超平，蝦够鮮多士够脆口。16蚊就叫到嘅甜品,"仙草紅豆蜜桃珍珠"都好大碗，啲料好足，超級抵食之選。