元帥麵館 (已結業)

呢幾年嘅路德圍已經成為荃灣友搵食必到嘅地方，貪個到一應俱全😈小食、台式飲品、東南亞菜、西餐乜都有🍔🍱🍛🍕今日lunch快食就係附近搵到間新開無耐嘅餐廳。店員見我企係門口茫無頭緒，就好主動咁走埋黎介紹就係咁，佢成功招攬左我入去試試佢👅見佢熱烈推介就叫左碗元帥酸辣炸醬麵，配菜就要腩肉同雲耳。湯底的確係無味精嘅，腩肉如佢所講係唔肥，但可惜靱到好難先咬得開，調味都未算好入味。雲耳份量都多，咬落爽脆。幸好，本身有嘅酸菜同肉碎都唔少，先不至於放棄左d腩肉就無餸食🙊🙊麵條我叫左粗麵，聽店員講麵條係自家手工製，難怪質感都幾Q彈又有咬口，而且煮嘅時間剛好，下次有機會叫過第二款餸再試埋佢嘅幼麵先