佳記麵家 (已結業)

參加咗某magazine ge網上遊戲中獎，不過要去到鰂魚涌領獎。由於獎品都幾重，於是放工後相約阿媽去拎。拎之前去咗佳記食碗麵。上OR睇過，好多人讚，仲話係竹昇麵。要咗一碗雲吞麵，一碗水餃魚皮餃麵。煮麵阿姐真係慢工出細貨，真係你急佢唔急。終於有得食，雲吞麵賣相正宗，雲吞在底，麵在面。先飲啖湯，味道比較清，未算好出色。個麵就真係好食，好爽口彈牙，重點係無鹼水。最怕食到鹼水麵，一定要落大量醋中和番。雲吞蝦同豬肉比例均勻，爽口，皮薄。水餃就包得較實，但十分足料，有蝦、豬肉同木耳。魚皮餃正呀，個皮超彈帶韌度，內裡嘅豬肉餡又唔會太肥太油。