金田家 (已結業)

口淡淡，行過見到原來開咗一間新嘅拉麵店！門口已經有一條短短的人龍，我哋都湊下熱鬧嘗試一下。呢度嘅裝修令人感覺都好舒服嘅我自己食黑蒜油豬骨拉麵，好香嘅黑蒜油味，超濃郁，個人應為有少少蓋過豬骨香味，但都幾特別。麵質尚算幾彈牙，掛小小湯，叉燒好薄，肥瘦適中。呢個係朋友食嘅極濃豬骨湯底拉麵，味道香甜好多！個人認為呢一個好味啲。我哋追加左幾個小食，有粟米，糖心蛋，同埋芽菜。芽菜好爽好香甜，粟米多汁又甜，糖心蛋做得非常之好，超級流心。軟殼蟹炸得好香脆，又入味！