Total B (已結業)

自從知道新開張後，已經去過幾次，首先值得欣賞嘅後人性化嘅訂位方式，唔係冷冰冰嘅app，而係用WhatsApp有對話，仲會更新你今個星期新嘅菜單。食物方面主要推介麵包類，即係漢堡同埋三文治等比較出色，我唔知餐廳係咪自家制，但至少每次都食得出個包新鮮熱騰騰果種感覺。價錢上，以荃灣區嘅價位嚟講，絕對超抵食，除非你係叫貴價扒類，如果唔係大部分食物都係$50-60有交易，仲要有湯有沙律有飲品。環境就見仁見智，始終小店舖面比較細，枱與枱之間比較逼，勝在天花樓底夠高，唔會有一種好壓迫嘅感覺。