Le Bon Pain Bakery (已結業)

次次經過Le Bon Pain Bakery都會覺得好香，今次入左去隨便買一個好似健康啲嘅多穀麥包，唔記得exactly個名係點。一包有5塊，$13。價錢普普通通，不過其實袋包真係好輕，五塊先得165g。大家可以比較下普通嘉頓個啲方包，一塊大概係50g，但呢隻一塊只係大概33g。

多穀包

$13

佢咁輕嘅原因係因為佢有好多空氣，所以食落係好鬆軟好鬆軟，我幾鍾意佢咁鬆軟，不過就會食極都唔飽咁。

望下後面嘅成份，其實糖份都幾多，而且落左Margarine，所以都唔算特別健康。雖然佢叫多穀麥包但我覺得穀類同埋瓜子個啲係非常少，每一啖先得一兩粒瓜子，完全唔見有oat flakes。

整體黎講，味道同口感都唔錯，不過我建議可以落多啲cereals。