麥當勞 (星光行)

營業中

休息中

近日Green Monday 創辦人楊大偉先生，大使陳貝兒及彭秀慧在facebook上提醒大家麥記出咗個齋包套餐。因前往海港城觀看Spiderman巨型展覽，順便係附近醫肚。走入麥記見到個大大燈箱展示潮食沙律廣告。個收銀機又放咗個齋包廣告。姑扯一試心態下支持一吓素食。加上又係星期一，切合緣色星期一主義。個素菇包套餐加埋個新出椰子綿花糖新地埋單價要$37.8，個餐好似同將軍漢堡差唔多。個包食落去真係全素無呃人。對初次食齋包嚟講。味道有D怪怪地。D著條凍咗。個雪糕真係好難食，因為個個雪糕好多水份。綿花糖同大量水份搞到個雪糕唔好食。可能我平時食開朱古力味。張餐紙有個QR code。可以即時用手機分享給朋友。我送咗句祝福語俾David，希望佢繼續堅持Green Monday。佢個專欄講咗外國早香港十幾年已經推行素食。外國麥記老早有齋包。唔係佢咁有心，香港麥記邊有得食齋包。