麥當勞 (已結業)

雖然之前見到Cathie既食評話麥樂魚柳早餐只係一份將豬柳改為麥樂魚柳既早晨全餐,但係因為成份早晨全餐裡面,我正正最唔鍾意塊豬柳,而且鍾意食魚,所以見琴日星期日,都夾硬拉埋阿媽同我去食(我一個人食唔晒成份早餐)。魚柳都幾脆喎,有三塊,幾好呀!不過,如果個三塊麥樂魚柳改左係一件魚柳包個塊魚柳就仲好,我覺得咁樣會多d魚肉食!話時話,麥當奴早晨全餐個鬆餅加上佢d果醬,真係好鬼正! 成個餐我最鍾意就係佢!