影片
更多
2010-07-19
87 瀏覽
幸運地, 在『新星期一』抽中了土司工坊送出的$90 coupon, 老婆一向喜歡食呢間, 今天就黎踩場食晏佐敦呢間Toast Box可以話係旗艦店, 叫得旗艦店, 當然係同其他Toast Box不同, 第一, 共分兩個area, 一邊同普通Toast Box一樣賣奶茶多士, 另一邊係賣海南雞飯, Toast Box的海南雞飯不是間間有的, 第二, 不用排隊買野食, 坐底 (甚至侍應會幫你搵位) 侍應就會黎問你想食乜野, 你可以坐底任點兩邊野食都得, 其實只係個廚房兩邊分開者未吃過的海南雞飯是這次的目的, 至愛的星洲叻沙當然也不錯過, coupon限買兩個餐, 正好是起『雙飛』, 還看到麥兜至愛的 - 傳說中的紙包雞包紙包雞, 目標鎖定, 去馬!先來一碗星洲叻沙, 配料有鮮蝦、魚片、豆卜, 配料尋常不過, 最喜歡還是那湯底, 啖啖的蝦湯海鮮味很對辦, 椰香味濃, 雖有辣味但不算辣, 用"辣香"來形容更為貼切, 再加上蔥花莞茜, 再加豆卜那吸湯能力, 令人不禁愈飲愈多湯, 配料的鮮蝦已開邊, 有些地方是全隻上, 我更喜歡不用我剝殼的這個蝦, 正如食友搵食能手所講, 因為價錢所限, 如果可以
佐敦呢間Toast Box可以話係旗艦店, 叫得旗艦店, 當然係同其他Toast Box不同, 第一, 共分兩個area, 一邊同普通Toast Box一樣賣奶茶多士, 另一邊係賣海南雞飯, Toast Box的海南雞飯不是間間有的, 第二, 不用排隊買野食, 坐底 (甚至侍應會幫你搵位) 侍應就會黎問你想食乜野, 你可以坐底任點兩邊野食都得, 其實只係個廚房兩邊分開者
未吃過的海南雞飯是這次的目的, 至愛的星洲叻沙當然也不錯過, coupon限買兩個餐, 正好是起『雙飛』, 還看到麥兜至愛的 - 傳說中的紙包雞包紙包雞, 目標鎖定, 去馬!
先來一碗星洲叻沙, 配料有鮮蝦、魚片、豆卜, 配料尋常不過, 最喜歡還是那湯底, 啖啖的蝦湯海鮮味很對辦, 椰香味濃, 雖有辣味但不算辣, 用"辣香"來形容更為貼切, 再加上蔥花莞茜, 再加豆卜那吸湯能力, 令人不禁愈飲愈多湯, 配料的鮮蝦已開邊, 有些地方是全隻上, 我更喜歡不用我剝殼的這個蝦, 正如食友搵食能手所講, 因為價錢所限, 如果可以再多d貝類海產相信會更好味
再來海南雞飯套餐, 套餐配滷水蛋、滷水豆腐、當歸雞湯, 只賣$45, 抵食, 滷水豆腐件數不少, 也一如所料是凍實豆腐, 豆味不濃, 滷水蛋只有半邊, 兩者滷味都不夠, 但作為配菜前菜是合格了, 驚喜在那當歸雞湯, 應該是用海南雞的剩餘物資+當歸去煲的一個湯, 藥材味濃, 但又不會搶去雞湯味, 喝不出有味精, 以配飯例湯黎講, 無得彈!
主食海南雞飯, 雞的顏色很淡黃, 令人不禁諗"熟未" & "夠唔夠味"? 一吃之下疑慮一掃而空, 平常怕肥我很少吃雞皮, 這裡的雞皮我竟然有吃, 雞皮很滑但不覺肥膩, 那雞竟有雞味真是始料不吸 (吃冰鮮雞多了, 上次連食金寶也是無甚雞味), 雞胸啖啖肉也極之嫩滑不黐牙, 這味海南雞可用『滑』來形容, 至於醬汁, 三色醬齊備, 最喜歡『黑油』, 黑油異常『上色』, 不用把雞在黑油上『游水』已經吸到黑油, 油飯也合格, 有油香味也有黃薑味, 雖然不是很重黃薑味, 但已經不打緊了, 不過雞件相對少了點, 沒前菜的話很難送一碗飯
不是跟餐的紙包雞, 已經不知多少年沒吃過了, 一碟四件的紙包雞, 已經預先剪開左一個小口, 食既時候才用筷子開袋, 可保留裡面既汁和保持熱度, 紙包雞雞肉很嫩, 還有點點的藥材係裡面一齊煮, 豉油味之外也有點點藥材味, 跟海南雞是另一種味道, 不要浪費那個紙包雞汁, 用黎撈飯也是一絕, 那個是"藥材雞汁"來的啊!
最後來杯薏米水作總結, 米白色的薏米水, 底有少許薏米, 應該無特別添加糖份, 清涼解渴, 夏天飲真是不作他選
Toast Box, 絕對是我的心水餐廳, 如果海南雞飯套餐就好比特餐, 星洲叻沙就好比常餐, 不知麥兜知道這裡有紙包雞賣, 會不會同麥太黎食番個快餐常餐特餐 & 紙包雞包紙包雞呢?
張貼
