鹿角巷 (已結業)

來自台灣的台式飲品店越來越多，鹿角巷由尖沙咀已經大排長龍，一直未有機會一試，最近旺角都開左，決定要試一試!雖然已是第二間分店，但一樣是好多人，店員亦在地上劃上排隊區，方便大家尋找龍尾!我選擇左黑糖鹿丸鮮奶，而朋友因為唔飲得奶，選擇左熱帶百香綠。由排隊到拎到飲品大概花了半個小時，都算可以接受。先講黑糖鹿丸鮮奶，職員會提示返必須半小時內飲用，亦會細心地教你指定享用步驟，即先把飲管直接插到底飲，再搖9下再飲，就可以分別到不同程度甜味。我就依照步驟，先插到底飲，因為未搖勻，所以飲到最底暖暖的黑糖，好香濃！再搖勻後，就飲到好香鮮奶味，而且珍珠亦好有咬口。不過飲到一半左右，開始覺得有點偏甜!至於熱帶百香綠，整體來說不失茶味，甜酸比例把握得好好，但略為太多珍珠，如果椰果蒟蒻多d會好d。