翠華餐廳 (已結業)

今日去左佐敦，無意經過翠華餐廳，雖然呢間舖身處橫街窄巷，但無影響到人客黎光顧，呢度地方闊落而且分上下層令客人坐下食野都很舒適 , 職員依照佢地精通語言劃分三類o係佢地職員證上會標明係廣東話 , 英語或者普通話 , 都幾有趣食物選擇繁多令人花多眼亂，最吸引我的食物不在餐牌上，而是在推廣牌上的套餐，鹿兒島豬軟骨拼鮮蝦菠菜餃米線   等左約十分鐘就上枱喇，好值得欣賞o既一點係個碗o既設計，碗出面有隻耳仔俾員工揸住上枱，既唔會熱到佢地隻手又會好衛生，平時茶餐廳有時都會見到員工o既手指浸左d湯度 , 個碗雖然望落去唔算大，但一個人食都好夠飽，配料有三粒鮮蝦菠菜餃，兩大條豬軟骨，灑上少量青葱，令整碗米線頻色分怖鮮艷奪目 , 如果有埋青菜就更佳 ~   湯底秘製醬汁美味香濃但不見油膩感，鮮甜又夠熱   米線柔韌綿密，唔會一夾就斷，口感嫩滑彈牙，煮得岩岩好   鮮蝦菠菜餃餡料絕不吝嗇，上枱時已經見每粒都肥大飽滿，蝦肉彈牙爽口，菠菜份量都唔見得少，而且新鮮翠綠   豬軟骨肉質鬆化且入味，軟骨部份淋而通透，充滿骨膠原，口感很好   凍檸茶檸檬切得薄而平均，排列整齊 , 糖漿份量適當，紅茶亦不會澀   ##