北海道牧場 (已結業)

真係唔係講笑，佢呢個湯飯真係鹹到爆炸，不過鹹得來又真係飲到有魚味喎！雖然碗飯嘅份量比小編想像中就細咗啲，不過勉強都算夠食嘅。佢上面有四舊雞喺度，有啲似蜜糖雞扒嘅味道，小編個人真係超級鍾意呢幾舊雞，入口juicy而且肉質仲好嫩滑添。佢哋嘅黑咖喱味道就有少少似日式咖喱，不過就加左少少辣味喺裏面，攞嚟撈飯食真係唔錯架。不過小編就覺得佢哋塊豬扒又係鹹咗少少，佢呢間野啲嘢食好似都偏鹹喎🤔但係小編今次就終於明白到點解佢哋會叫做北海道牧埸餐廳，因為佢哋隻炒蛋真係超級好食呀，炒蛋嘅奶味真係超級香，同平時食開嘅大X樂炒蛋絕對係兩回事啊，而且仲好滑身添，不過就比較缺乏蛋味。