麻布茶房 (已結業)

叫左一杯黑芝麻慕滋芭菲朋友就叫白玉蜜果同埋磯邊燒年糕黑芝麻慕滋芭菲上既時候唔知做乜鬼野個雪糕狂滴個雪糕其實真係好甜係死甜不過滑冇鞋口紅豆唔算大粒似係土炮貨唔太甜幾沙杏桃係來貨唔使講同出面食既一樣有三粒小丸子好煙韌但不會癡牙幾好問題係暖得黎好曖昧比室溫暖dd芝麻醬好rich如果再多dd去代替淋係雪糕面既糖漿會好食好多芝麻雪糕甜度適中芝麻味算濃~食到小小芝麻碎慕滋感覺幾得意有d似芝麻糕既質感個底既玉米片又係甜到嘔白玉蜜果我都試左個兩舊綠色同粉紅色好似軟糖既野但食起來似糯米滋同有淡淡既清香個磯燒年糕係我地食緊甜野中途先上搞到一食咸野變到超咸!!!!!!但幾煙韌得黎帶點彈牙~食完咸要飲啖水先再食甜如果唔係會惡性循環