更多
2020-12-14
2056 瀏覽
自從前兩日食咗梳乎厘pancake之後，呢幾日一路都好想再食pancake。但又好似冇理由隔兩日又食多次同一間，所以今日就嚟咗呢間好出名食pancake嘅Gram Cafe & Pancakes到食pancake啦。我地揀咗兩款pancake，一款係薑汁栗子，一款係雜果朱古力pancake。薑汁栗子 $108呢款係期間限定款，佢寫明係秋冬之選。一諗起聽朝就開始轉涼，依家食定個秋冬之選嘅pancake好似幾好。Pancake外圍比滿滿嘅栗子蓉包圍着，仲有一粒粒嘅栗子碎。一切開中間，會見到有兩塊厚厚嘅pancake，中間夾住少少朱古力醬。店員建議我哋一開始唔落糖漿同埋唔落薑汁咁樣試一試先。一食落去有濃濃嘅栗子味，二好特別嘅係pancake有少少鹹味，而呢種鹹味同甜味竟然出乎意料地夾，融合得啱啱好，好正。成個pancake唔會太甜，好啱我食。再試一試落埋個薑汁，個薑汁係呈奶白色嘅，應該都落咗啲奶。本身擔心個薑汁會好甜，點知原來個薑汁係完全唔甜嘅，但就有濃濃嘅薑味，不過薑嘅辣味就只有少少辣，所以唔會太嗆喉。我覺得呢個薑汁好正，所以一次過倒晒所有薑汁落去啲pancake度，薑汁加埋栗子蓉同埋啲鹹
我地揀咗兩款pancake，一款係薑汁栗子，一款係雜果朱古力pancake。
薑汁栗子 $108
呢款係期間限定款，佢寫明係秋冬之選。一諗起聽朝就開始轉涼，依家食定個秋冬之選嘅pancake好似幾好。
Pancake外圍比滿滿嘅栗子蓉包圍着，仲有一粒粒嘅栗子碎。一切開中間，會見到有兩塊厚厚嘅pancake，中間夾住少少朱古力醬。
店員建議我哋一開始唔落糖漿同埋唔落薑汁咁樣試一試先。一食落去有濃濃嘅栗子味，二好特別嘅係pancake有少少鹹味，而呢種鹹味同甜味竟然出乎意料地夾，融合得啱啱好，好正。成個pancake唔會太甜，好啱我食。
再試一試落埋個薑汁，個薑汁係呈奶白色嘅，應該都落咗啲奶。本身擔心個薑汁會好甜，點知原來個薑汁係完全唔甜嘅，但就有濃濃嘅薑味，不過薑嘅辣味就只有少少辣，所以唔會太嗆喉。我覺得呢個薑汁好正，所以一次過倒晒所有薑汁落去啲pancake度，薑汁加埋栗子蓉同埋啲鹹鹹甜甜嘅pancake，成個味道好豐富，大滿足。
薑汁栗子pancake
$108
103 瀏覽
0 讚好
0 留言
雜果朱古力pancake $108
呢個嘅賣相好靚，有三塊相對薄少少嘅pancake，上面滿佈五顏六色嘅水果，包括奇異果、士多啤梨、藍莓，仲有橙添。仲有少少朱古力醬，又唔會過多。隔離有一大堆cream可以自己加。
呢個pancake嘅口感比起個薑汁栗子嘅厚pancake，會相對厚實啲，都係好好食嘅。同樣地，都係甜味之中夾雜少少鹹味，而呢個鹹味都係調味得剛剛好，絕對唔會令人反感。
試一啖cream，個cream好濃郁，充滿奶味。同樣地，個cream本身係唔甜嘅，所以可以放心咁搽落去塊pancake到。因為個cream好好味，所以我係厚厚咁樣搽上啲pancake度，塊pancake同啲cream配合得相當之好，好好味。
雜果朱古力pancake
$108
33 瀏覽
0 讚好
0 留言
雖然呢度嘅pancake唔平，不過真係好好味，我應該都會再嚟嘅。
臨走前發現佢有set lunch嘅Menu，係一至五嘅lunch time供應嘅，見到佢好抵， $58都有湯、甜品、飲品同埋一個pasta，等我下次都試吓先。
張貼
