La Crêperie (鉅芝樓)

營業中

休息中

突然間想食crepe，但係我超級三心兩意，總係好想一餐之內又食甜又食鹹，見到呢度set lunch竟然有得揀鹹crepe同甜crepe combo，選擇困難症嘅我即刻毫不猶豫決定幫襯呢間但係佢啲combo都有好多選擇，款款都好似好好味咁，最後鹹crepe揀咗有芝士薯仔煙肉，甜crepe揀左莓果醬!一打開見到擺盤非常之精緻，望到賣相就已經令到食慾大增，呢樣加分！見好多食評都寫佢嘅鹹crepe堂食口感好香脆，不過有啲失望嘅係可能因為叫外賣關係送到黎已經冇咗脆嘅口感，不過非常足料！而且淡淡都食到芝士，仲識得拉絲！完全大滿足，芝士薯仔煙肉呢個配搭係無敵的，冇可能唔好味！食晒成個真係飽到食唔落甜crepe。然後試甜crepe，冇諗過佢外賣會係咁樣切開一卷卷，非常得意，亦都好方便外賣喺Office食用！咬落個口感同鹹crepe果然唔同，係比較煙韌，配莓果醬好fresh，令到本來飽咗嘅我都忍唔住K.O.晒另外跟餐仲有個迷你水牛芝士粟米沙律，都幾fresh，配埋crepes一齊食唔會咁濟。