十二味巴蜀江湖菜 (已結業)

呢間店門面比較舊，不過店內裝修都算唔錯，卡位比較多，枱與枱之間唔算擠迫。不過食咗兩個午餐之後覺得佢哋嘅餸實在超鹹，鹹到不得了，唔啱我口味，由於味道都算係咁，過鹹嘅情況下，我只能俾OK評級，如果唔嗜鹹嘅人，可能都唔使睇下面食評。呢度午餐唔算貴，午餐包飯，主菜和例湯，加5蚊都有汽水飲品。例湯味道夠，但係唔熱，零分。水煮魚麻辣味足，屬於勁辣級，份量好大，魚肉夠滑，味道係好嘅，不過幾肥膩，而且相當鹹，食多幾口已經鹹到猛飲水！麻婆豆腐唔夠入味，幾肥膩，豆腐夠滑，整體不過不失。