潮州鹵漢大飯店 (已結業)

今日同老公同朋友一行四人去咗潮洲鹵漢打邊爐，見佢有四人同行一人免費優惠，相當吸引，立即預約試吓。好開心我哋被安排到坐卡位，舒服多了！餐廳環境乾淨企理，四周掛上紅燈籠🏮都幾有特色。我哋叫咗B餐（即和牛餐）同鴛鴦湯底：鹵水同麻辣。鹵水湯底真係第一次聽同第一次食，估唔到咁惹味，同牛肉同牛柏葉一齊食特別夾！麻辣湯底味道都好濃郁，辣味好香，食物唔需要點豉油醬汁都已經好夠味。火鍋配料種類都幾多，另外仲有雪糕區、飲品區（紙包、罐裝⋯仲有樽裝Hoegaarden！）同熟食區（白切雞、海鮮⋯），多到試唔晒。整體來講，CP值高，值得再幫襯。