金鶴拉麵 (九龍城道) (已結業)

之前食過中環金鶴已經覺得佢地嘅雞白湯非常正, 一直念念不忘想食多次, 最近土瓜灣站終於開通左, 於是今日同朋友仔一齊遊歷完之後就帶佢去試下!!🌟極濃雞白湯拉麵🍜湯頭十分濃厚, 雞味濃郁唔油膩, 麵條爽彈, 配上整碗雞嘅精華, 兩者相得益彰! 其他配料都非常高質, 新鮮炸起嘅牛蒡色澤金黃, 無論大小長度厚薄都做得岩岩好, 食落口非常香脆, 牛蒡味道濃郁! 旁邊嘅日本赤雞胸, 用左低溫慢煮嘅方法, 所以肉質較為鮮嫩, 脂肪少但雞味濃郁!🌟醬油拉麵🍜醬油湯底相對雞白湯質感無咁濃稠, 味道比較簡單溫和, 雖然係醬油湯但味道都唔太鹹, 食落唔錯🌟日式餃子🥟餃子煎得幾香口, 皮薄餡多🌟唐楊炸雞🍗炸雞熱辣辣脆卜卜勁juicy