MOO MOO Plus (百德新街) (已結業)

🌊餐廳近住海旁旁，有戶外用餐位置，晏晝坐喺出邊食嘅話都幾chill，不過天氣轉涼我夜晚去到就揀咗坐室內。餐牌多幾多選擇㗎，不過一場嚟到就係想食佢嘅漢堡包。🌟銅鑼堡 ($148)呢個漢堡嘅重點係鵝肝，鵝肝外脆內軟，煎得好香，入口溶化！漢堡包加咗牛油烘過，所以外層外脆內軟，安格斯牛肉都非常juicy，成個漢堡包口感味道豐富又飽足，特別係鵝肝升華咗成個漢堡，好推介！💗漁夫之堡 ($118)魚柳大大塊，都一樣係炸得外脆內軟，而且配埋烘過既牛油漢堡，都一樣好好食。同埋幾欣賞佢夾心嘅蕃茄切得比較薄同埋水份比較少，唔會整濕個漢堡。~跟漢堡都會有埋份沙律🥗，沙律菜加咗醋，都幾解膩。