星願 居酒屋 (已結業)

一個人食飯都唔知食咩野好，係屋企床上左滾右滾都諗唔到，最後決定去新都城中心睇睇。行到去地下個層見到有間未見過既新餐廳叫星願居酒屋。見到餐廳有串燒熟食，同我最愛既鵝肝壽司，就決定食呢間。點左幾款，有鹽燒雞中翼，燒田園翠玉瓜，蒜蓉牛油焗金菇，吞拿魚帶子卷再加最愛蔥盛鵝肝壽司。雞中翼是剪開左既燒，食既時候特別方便，雞皮燒得好脆，調味非常適中。翠玉瓜好正，燒到好軟熟多汁。蒜蓉牛油焗金菇真係好香，超好食！😆吞拿魚帶子卷比想像中大份，有滿滿既吞拿魚蓉同帶子，魚味濃郁，帶子又鮮甜爽身，加沙律醬好好食。☺️終於到我最愛既蔥盛鵝肝壽司，鵝肝油脂滿滿，入口即融，加埋蔥花，味道非常豐富。😙