咖啡灣 (荃灣千色匯) (已結業)

荃灣千色匯附近有間cafe，呢到食物由小食，主菜，甜品及飲品一樣有好多選擇。除左選擇多之外，整體食物賣相跟味道同樣不錯。以荃灣區cafe黎講呢到地方算大，令人整個用餐感覺好舒服好輕鬆。Menu內有推介<鵝肝和牛巨人漢堡 $138> ，鵝肝和牛最邪惡組合，鵝肝口感軟滑甘香，和牛肉香濃郁，和牛漢堡肉質夠厚身，口感十足，配熱騰騰脆薯條，相當滋味。 如果鍾意食意粉，又鍾意食和牛，要試下 <瑪麗和牛忌廉意粉 $78>除左好足料之外，牛肉炒得好香，加埋D洋蔥一齊食，意粉口感彈牙，味道好夾。 甜品方面，必食窩夫，窩夫富蛋香，外層脆，內層軟，呢個口感我好鍾意 。(窩夫有不同配搭有草莓，芒果等等)我地呢個係 <黑魔王曲奇雪糕窩夫 $78>，雪糕係曲奇口味，窩夫配埋cream雪糕連埋Oreo cookie一齊食，好味。