影片
更多
2021-05-22
690 瀏覽
「外賣自取食評」去到週末想過一個輕鬆嘅週末，又唔想出去同人迫見到聚龍閣竟然有OpenRice外賣自取覺得好開心，就試吓佢嘅鵝掌鮑魚同埋燒味飯。見到鵝掌鮑魚竟然只需要$68 ！心裏面當然覺得非常興奮因為係用app叫外賣自取嘅關係冇辦法睇到餐牌，亦都唔知道實物。而之前嘅相片亦都冇人提及，所以就放張相上嚟同大家分享一下。首先要一讚個服務！有禮貌，去到外賣自取之後，收銀有同我講「多謝晒」（可能大家會覺得好微不足道，但係喺香港食飯已經好耐冇聽過呢一句咁窩心嘅基本禮貌說話，頓時一刻感動）。1548落單，最後1615就喺app度通知可以攞得。以週末咁多人來講，效率都算非常快。鮑魚嘅味道尚算有一點鮮味，有咬口、彈牙。非常細隻，相中可以見到：仲短過一支普通牙籤。反而個燒味飯非常值得一讚，我叫咗一個燒鵝飯， OpenRice外賣自取價錢$58。雖然唔係比鵝脾，但係算少骨，份量鋪滿普通外賣飯盒，亦都有燒鵝嘅炭火燒香、好難得有一種齒頰留香、燒味應有質素嘅燒烤香味。肉質唔算太優質，有點「鞋口」，但係起碼冇雪藏味，亦都真係燒鵝，而唔係「燒鴨」，總括而言算係正常燒鵝嘅質感。可能因為用外賣盒裝嘅關係，皮一早已經淋左；
去到週末想過一個輕鬆嘅週末，
又唔想出去同人迫
見到聚龍閣竟然有OpenRice外賣自取
覺得好開心，就試吓佢嘅鵝掌鮑魚同埋燒味飯。
見到鵝掌鮑魚竟然只需要$68 ！
心裏面當然覺得非常興奮
因為係用app叫外賣自取嘅關係
冇辦法睇到餐牌，亦都唔知道實物。
而之前嘅相片亦都冇人提及，
所以就放張相上嚟同大家分享一下。
首先要一讚個服務！有禮貌，去到外賣自取之後，收銀有同我講「多謝晒」（可能大家會覺得好微不足道，但係喺香港食飯已經好耐冇聽過呢一句咁窩心嘅基本禮貌說話，頓時一刻感動）。1548落單，最後1615就喺app度通知可以攞得。以週末咁多人來講，效率都算非常快。
鮑魚嘅味道尚算有一點鮮味，有咬口、彈牙。非常細隻，相中可以見到：仲短過一支普通牙籤。
反而個燒味飯非常值得一讚，我叫咗一個燒鵝飯， OpenRice外賣自取價錢$58。
雖然唔係比鵝脾，但係算少骨，份量鋪滿普通外賣飯盒，亦都有燒鵝嘅炭火燒香、好難得有一種齒頰留香、燒味應有質素嘅燒烤香味。
肉質唔算太優質，有點「鞋口」，但係起碼冇雪藏味，亦都真係燒鵝，而唔係「燒鴨」，總括而言算係正常燒鵝嘅質感。
可能因為用外賣盒裝嘅關係，皮一早已經淋左；相信如果堂食嘅話，可能會更加脆同甘香。
總括而言，配合Visa信用卡5月31號前嘅優惠，滿$80可以減$20嘅話，一個燒味飯再加一個精緻嘅小食，就可以享有$20折扣，恆生卡仲有$10 cash dollar回贈。
只係因為有優惠，我先豐富少少，叫多一個鵝掌鮑魚俾自己。但係如果單叫鵝掌鮑魚嘅話，就不太推薦外賣了。
而燒味飯對我一個未食午餐，成年男人來講，亦都夠飽。
鵝掌鮑魚
$68
16 瀏覽
0 讚好
0 留言
張貼
