1) 麻辣拼雞湯煱: 麻辣湯，出嚟唔係想像中咁辣，但仍然惹味仲好香，仲飲得，令我諗起龄記同尚品呢兩間執咗嘅正宗台式火煱店，堅正。另一邊係雞湯，又係估佢唔到咁好飲，雞又滑。仲有煲到咁上下，佢哋係加番麻原麻辣湯，原雞湯，所以唔會淡咗。食完呢餐亦無出現味精口乾情況。 老實……係仲好過高峄期嘅養心殿
2) 鴨血: 不得了，直情同龄記/尚品所出一模一樣，思疑都係嗰班㕑房整嘅。絕對要食
3) 其他叫咗手切牛，脆鲩片，餃拼，豬潤等，都係新鲜靚材料
4)酒香白肉: 酒香好夠，係好食嘅，不過我唔鍾意成舊扣肉咁厚，如果分簿同厚比客人選就好好
呢間價錢同養心差不多，我埋单75折约1000蚊。
個人覺得係比養心好。 即使同最初嘅養心殿比較，湯底，鴨血同員工態度都高分啲，種類又多啲。
如果同近期養心比，就勝出幾個身位，而家養心啲湯底差咗，尤其麻辣同酒香白肉，偷工减料嚴重，可能分店越來越多keep唔到。
而家呢間只有兩分店，希望可以保持水準
