上海小南國 (MegaBox) (已結業)

今日放工黎九龍灣接女朋友收工，貪星期一黎megabox唔洗同人逼行街等位。黎到依到見到有片皮鴨，二話不說就入左去試。平日唔洗等位，入到去只有幾枱客人，因為店員聽到我地話食片皮鴨就比左張四人枱我地，方便擺野食。起初以為可以叫半隻鴨點知係冇，有啲失望，唯有叫小啲野食。最後叫左一籠小龍包(4隻)，一隻片皮鴨，加$9x二食，簡左雲吞鴨湯。全部菜等左20分鐘就到齊，我地親熱食，小龍包皮夠簿片皮鴨的蒸皮每層會放張紙隔開，方便我地拎唔會痴住，不過可惜醬料得一小碟唔夠用，要加$10先有多碟 (問店員個時話要加錢，問幾錢就話十幾蚊，感覺佢服務有啲差)整餐食物都唔錯，不過以價錢來說，未必會再試