勝面 (已結業)

喺朗豪坊行街，見到呢間台灣料理勝面，鋪面行簡約風，睇落好似唔錯，所以就決定試吓，食落發現啲嘢食好食得黎又唔貴，絕對要再encore啊。豚骨湯底牛腱心新竹米粉牛腱心煮得好林，有好香牛肉味。豚骨湯底好濃，米粉都煮得啱啱好，三樣嘢都好夾，好正。麻辣滷鴨血佢嗰種麻辣係好過癮嗰種，唔算超級辣。鴨血一共有四件，食落好新鮮，一啲都唔腥，好好味。炸花枝丸一共有五粒，粒粒都好大粒，炸到熱辣辣、脆卜卜，但係又唔會覺得好熱氣，重點係每一粒入邊都食到好大舊嘅墨魚粒，真係好正。蒜香台式香腸台式香腸一共有原味同墨汁兩隻味，肉味好香，一啲都唔會太油，仲可以配埋蒜頭同菜一齊食，感覺幾特別。鴉片黑糖波波鮮奶個人認為呢一個係必點嘅飲品。佢啲黑糖珍珠唔會過甜，可能係因為黑糖同鮮奶嘅比例調較得好，兩樣撈埋一齊飲，嗰種味道真係好正。脆脆布丁歐蕾奶茶佢嘅賣相一流，嘢飲上面係類似焦糖布甸上嘅焦糖咁，有一層好薄嘅脆脆。奶茶好香，重點係杯底原來有一個布甸，可以一路飲奶茶一邊食布甸，真係好特別。希望下次可以試吓其他菜式啦。