餐廳位於眾多車房附近，所以店外環境非常平民
。坐低之後，侍應先生拎出餐牌，然後調暗燈光比我地點餐(好似調轉左次序喎)。我選了二人套餐，前菜加三十蚊有鵝肝食，非常美味，做到甘香而不油膩。對比西餐廳$80既質素仲好。 
餐湯是蘑菇湯，估計是利用攪拌機制成，所以感覺飽滿，每口都有濃郁蘑菇味，港式d講即係蘑菇湯有蘑茹味，呢樣都唔係間間餐廳做到
主菜一：
雞胸薯蓉
薯蓉牛油味重，減肥人士小吃為妙。雞胸竟然幼嫩，值得一讚。
主菜二：慢煮三文魚菠菜蓉
三文魚不會過老，菠菜蓉的味道不是人人接受到，但我卻很喜歡
仲有甜品，心太軟與焦糖蛋
二人餐的份量足夠三人食，這天很飽，剛好可以散步落山，等個肚落下格。
