影片
更多
2022-05-16
413 瀏覽
近年，其實酒樓茶餐廳化，要特惠而出，好多餐廳老闆都會絞盡腦汁，希望喺傳統嘅中菜方面，加少少創意，成為新嘅，具吸引力嘅點心或者菜式。基本上呢一種嘅餐廳，你係唔會有好大壓力可能要同人搭位坐，又或者可能要排好長龍，因為基本上呢度嘅流轉都非常快；我一坐低嘅時候，店員已經即刻問我飲乜嘢茶，而我揀咗我最鍾意嘅菊花普洱；燒賣平時食得多，但係酸菜魚嘅味道，就係一種突破，今年香港人開始越嚟越鍾意濃味嘅四川味，反而開始偏離廣東人重視嘅鮮味；呢間餐廳創造呢一款食嘅點心，就係取其平衡，既有魚嘅鮮味，亦都有四川菜香味，真係不得不佩服；另外，如果唔鍾意一份分四粒，驚食唔晒，但同時又想試下唔同嘅創意料理，我就會叫呢度嘅六合一，名叫「一籠大滿足」，既有黑松露餃，又有酸菜魚餃，亦都有麻辣燒賣，等等，可以滿足自己嘅慾望🥰麻辣燒賣，我覺得非常有創意，除咗保留左廣東嘅精緻，亦都有麻辣嘅香味，但呢一種嘅香味係經過左在地化嘅調教，唔會好似四川咁辣。鰻魚糯米雞係最令我喜出望外。平時食糯米雞食得多，要喺當中突圍而出，呢間餐廳就諗咗一個方法，就係加鰻魚；除此之外，佢裏面嘅飯，仲係溫和左蝦米、冬菇、肉碎，唔係淨係純粹嘅飯，而我覺得，呢種
基本上呢一種嘅餐廳，你係唔會有好大壓力可能要同人搭位坐，又或者可能要排好長龍，因為基本上呢度嘅流轉都非常快；我一坐低嘅時候，店員已經即刻問我飲乜嘢茶，而我揀咗我最鍾意嘅菊花普洱；
燒賣平時食得多，但係酸菜魚嘅味道，就係一種突破，今年香港人開始越嚟越鍾意濃味嘅四川味，反而開始偏離廣東人重視嘅鮮味；呢間餐廳創造呢一款食嘅點心，就係取其平衡，既有魚嘅鮮味，亦都有四川菜香味，真係不得不佩服；
另外，如果唔鍾意一份分四粒，驚食唔晒，但同時又想試下唔同嘅創意料理，我就會叫呢度嘅六合一，名叫「一籠大滿足」，既有黑松露餃，又有酸菜魚餃，亦都有麻辣燒賣，等等，可以滿足自己嘅慾望🥰
麻辣燒賣，我覺得非常有創意，除咗保留左廣東嘅精緻，亦都有麻辣嘅香味，但呢一種嘅香味係經過左在地化嘅調教，唔會好似四川咁辣。
鰻魚糯米雞係最令我喜出望外。平時食糯米雞食得多，要喺當中突圍而出，呢間餐廳就諗咗一個方法，就係加鰻魚；
除此之外，佢裏面嘅飯，仲係溫和左蝦米、冬菇、肉碎，唔係淨係純粹嘅飯，而我覺得，呢種嘅突破係值得欣賞👍
張貼
