更多
2019-09-07
101 瀏覽
「鯛魚魚湯專門店」👈🏻淨係聽個名都知道佢地專賣魚湯。據店舖menu介紹,佢地係全港獨家首創鯛魚湯底,鯛魚湯用大量鯛魚及秘製配料經十幾個鐘熬製而成,鮮味十足。每日飯市時段都人頭湧湧,等候入座嘅食客多到塞滿成條行人路。若非第一輪食客,閑閑哋都要等成半個鐘。即使攞咗飛,亦要等齊人先可喺門外同臭串、極級西面嘅店員落單,再輪候入座,少啲耐性都唔得。1\汁燒雞排魚湯烏冬外觀上,鯛魚湯湯底奶白色,陣陣魚鮮撲鼻,望落幾足料,而且配菜排得工整,令人食欲大增。魚湯味道鮮甜、唔腥、無味精,飲哂成碗湯都唔口渴。配菜包括紹菜、豆卜、木耳、海帶同蔥,份量唔少。飲用魚湯時有啲野咬下都唔錯。烏冬質感軟腍幼滑,帶點煙韌。份量頗多,足夠填飽男士們嘅胃。雞肉醃得入味,燒汁令雞排味道更豐富。雞皮脆口,可惜雞肉有啲乾、嚡口。2\吉列豬排魚湯烏冬豬排🥩外層炸得鬆脆,炸粉唔厚,內裏肉質鬆軟。配上沙律醬或炸豬扒醬,味道更豐富、開胃,唔怕乾噌噌。沙律菜🥗夾雜少量火箭菜及苦菊,味道苦、微微微微辛辣,配日式芝麻醬同蕃茄仔,味道尚可。苦嘅沙律菜可突出其他食材嘅鮮味,但基於沙律菜整體份量唔多,而且魚湯鮮味十足,火箭菜同苦菊嘅調味作用唔大。建議
「鯛魚魚湯專門店」👈🏻淨係聽個名都知道佢地專賣魚湯。據店舖menu介紹,佢地係全港獨家首創鯛魚湯底,鯛魚湯用大量鯛魚及秘製配料經十幾個鐘熬製而成,鮮味十足。
每日飯市時段都人頭湧湧,等候入座嘅食客多到塞滿成條行人路。若非第一輪食客,閑閑哋都要等成半個鐘。即使攞咗飛,亦要等齊人先可喺門外同臭串、極級西面嘅店員落單,再輪候入座,少啲耐性都唔得。
1\
汁燒雞排魚湯烏冬
外觀上,鯛魚湯湯底奶白色,陣陣魚鮮撲鼻,望落幾足料,而且配菜排得工整,令人食欲大增。
魚湯味道鮮甜、唔腥、無味精,飲哂成碗湯都唔口渴。配菜包括紹菜、豆卜、木耳、海帶同蔥,份量唔少。飲用魚湯時有啲野咬下都唔錯。
烏冬質感軟腍幼滑,帶點煙韌。份量頗多,足夠填飽男士們嘅胃。
雞肉醃得入味,燒汁令雞排味道更豐富。雞皮脆口,可惜雞肉有啲乾、嚡口。
$75
7 瀏覽
0 讚好
0 留言
2\
吉列豬排魚湯烏冬
豬排🥩外層炸得鬆脆,炸粉唔厚,內裏肉質鬆軟。配上沙律醬或炸豬扒醬,味道更豐富、開胃,唔怕乾噌噌。
沙律菜🥗夾雜少量火箭菜及苦菊,味道苦、微微微微辛辣,配日式芝麻醬同蕃茄仔,味道尚可。苦嘅沙律菜可突出其他食材嘅鮮味,但基於沙律菜整體份量唔多,而且魚湯鮮味十足,火箭菜同苦菊嘅調味作用唔大。建議選用其他清甜嘅配菜。
$85
6 瀏覽
0 讚好
0 留言
3\
日本帶子魚湯湯飯
三隻帶子都唔細,雖然味道未算特別鮮甜,但仍稱得上新鮮。帶子肉厚身,質感爽脆有彈性。
湯飯份量多,大約兩碗白飯,非常飽肚。當中加入芝麻及米通粒,豐富口感。
$88
11 瀏覽
0 讚好
0 留言
店鋪的確依循宗旨,用心做好出品,但服務方面仍有好大進步空間。
張貼