位於西灣河鯉景灣嘅梅吉涮涮鍋乾淨企理、卡枱坐得舒服😜
餐廳出邊仲可以望到海傍景色，呢個邊爐打得都幾Chill😇
揀咗個最平嘅套餐，已經可以任食到日本黑毛和牛 同 日本米豚肉🥰
叫咗咁n碟黑毛和牛水準都係咁高🤩
霜降油花好平均超靚仔😛
肉質軟嫩，味道溫和唔覺唔覺食咗好多碟🤤
日本米豚肉，肉質爽彈，完全無豬羶味👍
湯底叫咗梅吉鍋，微微地辣，有啲沙嗲嘅感覺，淥牛肉啱晒啦😚
另外一個鍋叫咗芝士湯鮮茄鍋，有酸酸甜甜嘅蕃茄味道，夠清新💓
出邊仲有超過40款火鍋配料可以夾🤓
最特別嘅係有大大隻青口、響螺、蜆、魷魚鬚、魷魚仔等等相對地係任食日式火鍋少見嘅海鮮😉
仲有好多丸類，芝士類型嘅都有好幾款！
1
蔬菜方面有生菜、油麥菜、娃娃菜、菠菜、南瓜、冬瓜等等🥗
飲品方面除咗有罐裝汽水之外，仲有幾款呢度自家製嘅冰茶！
最推介係百香果黄皮冰茶，味道唔算太甜，真係有淡淡黃皮嘅清香，飲落好舒服好解膩❣️
最後食埋甜品刨冰，有得DIY咁玩感覺好過癮😆
梅吉涮涮鍋 (西灣河)
西灣河太康街45號鯉景灣B座地下02B-07GB號舖
