鴻福海鮮四季火鍋 (已結業)

太太之前食過覺得勁有風味，今次得閒叫埋我走翻食。6點幾去到得幾枱客，唔駛等位有得食。呢到係屬於巷仔，環境比較差。不過用炭爐火鍋同燒烤，風味十足。燒烤叫左生蠔，大蜆，牛脷，雞心，雞腎，田雞。而火鍋叫左羊片，墨魚滑，四寶丸，皇帝菜。燒烤有四種醬料，醬油，椒鹽，蜜糖，辣椒醬。可以自己行於燒烤時配搭。火鍋揀左咸菜粉腸，味道唔錯，可惜我一d粉腸都食唔到。燒烤蠔同大蜆都非常生鮮，唔加醬料清燒最好，保留鮮味。牛脷薄切鹽燒最好。個人建議石可另叫京蔥配來食。田雞都幾新鮮，加醬油同蜜糖一齊燒最夾。雞心鹽燒比較好，雞腎可用蜜糖加椒鹽一齊燒。火鍋羊片一般，羊味唔係太夠，不過墨魚滑就好好，荸薺同墨魚比例剛剛好，爽口得來不失鮮味，其他野都係大路貨。總結：味道好，不過服務比較差，環境可以話比較差亦可以話有風味。同行中有女性可能要留意一下。