影片
更多
2018-03-13
567 瀏覽
今日黎到黃埔覓食趁天氣仲凍，緊係繼續encore火鍋啦😍行到近紅磡站果邊見到有間新餐廳，環境光猛寬敞，但人唔算好多，我同朋友仔就做前鋒試試佢啦！見到有2款火鍋選擇，分別係牛魔王鍋同海龍皇鍋，打得多傳統火鍋，緊係試試粥底火鍋！枱面有清晰指示每樣海鮮嘅烹調時間，幾貼心~值得一推係呢度嘅前菜超開胃，未上菜我地已經食到停唔到口😂海鮮幾新鮮，一打開蓋啲蝦仲會跳上黎~食落啲肉亦唔會散👍🏻我最愛嘅貴妃蚌亦非常合格，大隻又好鮮甜！蟹唔算大隻，不過都係幾生猛，而且打開蟹蓋出奇的多膏😋魚係龍躉片😱多數外面見嘅都係鯇魚，而且魚肉仲好彈牙有口感，198真係絕對值回票價😍食完海鮮當然未夠喉，除左本身額外可追加嘅五款配料，我地仲追加左牛白肉同油炸鬼，朋友話佢以前係大陸試過一試難忘，但香港真係好少見到有得食，而油炸鬼緊係粥底嘅至好配搭啦~~肥牛不過不失，至少肉無雪藏味同埋肉唔會散開晒。墨丸超推薦！食落啖啖肉好有口感，食得出係鮮打唔係加工墨丸。牛白肉白芒芒一塊，但老闆話絕唔係脂肪，而係牛胸下嘅軟骨，同肥牛一樣唔使灼咁耐，放大約五秒鐘就食得！食落超爽脆！！而且牛味仲好重，我愛上它了😋最後嘅重頭戲嚟喇！我地因為大頭蝦忘記
緊係繼續encore火鍋啦😍
行到近紅磡站果邊見到有間新餐廳，
環境光猛寬敞，但人唔算好多，
我同朋友仔就做前鋒試試佢啦！
見到有2款火鍋選擇，
分別係牛魔王鍋同海龍皇鍋，
打得多傳統火鍋，緊係試試粥底火鍋！
枱面有清晰指示每樣海鮮嘅烹調時間，幾貼心~
值得一推係呢度嘅前菜超開胃，
未上菜我地已經食到停唔到口😂
海鮮幾新鮮，一打開蓋啲蝦仲會跳上黎~
食落啲肉亦唔會散👍🏻
我最愛嘅貴妃蚌亦非常合格，大隻又好鮮甜！
蟹唔算大隻，不過都係幾生猛，
而且打開蟹蓋出奇的多膏😋
魚係龍躉片😱多數外面見嘅都係鯇魚，
而且魚肉仲好彈牙有口感，
198真係絕對值回票價😍
食完海鮮當然未夠喉，
除左本身額外可追加嘅五款配料，
我地仲追加左牛白肉同油炸鬼，
朋友話佢以前係大陸試過一試難忘，
但香港真係好少見到有得食，
而油炸鬼緊係粥底嘅至好配搭啦~~
肥牛不過不失，
至少肉無雪藏味同埋肉唔會散開晒。
墨丸超推薦！
食落啖啖肉好有口感，
食得出係鮮打唔係加工墨丸。
牛白肉白芒芒一塊，
但老闆話絕唔係脂肪，而係牛胸下嘅軟骨，
同肥牛一樣唔使灼咁耐，
放大約五秒鐘就食得！
食落超爽脆！！而且牛味仲好重，我愛上它了😋
最後嘅重頭戲嚟喇！
我地因為大頭蝦忘記喺火鍋其他配料前
落粟米、芋頭粒同南瓜粒放落，
服務員超細心同熟手咁
將所有嘢同粥底不停攪伴混合一齊，
然後一窩熱騰騰嘅靚粥就完成啦！！
果然粥底吸收晒海鮮嘅鮮味，食落味道勁鮮甜！
而且仲係綿綿的粥底
粥後仲送咗碗紅豆沙比我地做糖水，真係大滿足！
張貼
