九重鮮 (已結業)

今晚到大坑食海鮮塔，據說海鮮好新鮮一於去果度晚餐我地點左個二人餐B餐首爾塔，有四層海鮮塔再加個粥底，我個人喜歡的湯底係人參雞湯湯底半隻。因為用人蔘雞湯做湯底足底真係好特別。佢嘅層次擺法係由最易熟跟住逐個逐層咁樣擺落去嘅，有個溫度計和5分鐘計時器流沙。第一層係比較易熟，有聖子，北極貝和象拔蚌。和小小配菜一齊食，店員好細心地介紹每層食法，由於原材料好新鮮，故不需要點任何醬料，便可以食到佢嘅鮮甜味道，係好先鮮甜、甜到不得了，好有嚼頭，處理得好好，無沙的👍第二層有扇貝，海蝦，蜆、配菜係絲瓜和野菜百葉豆腐，扇貝蒸出來的汁係可以飲嘅，如果唔飲可以倒返落去，令到啲粥更加鮮甜，扇貝好彈牙好嚼頭，淡淡嘅海水味，又清甜嘅🤗海蝦好大隻，而且好彈牙好食好甜，絲瓜好甜同埋豆腐好有嚼頭，好好味，全部都唔需要調味料，全部食新鮮嘅味道，好掂👍第三層就有龍躉兩塊，仲有海花蟹，大花蛤，爆濃芝士丸，木耳，菇，南瓜，全部好甜，好新鮮。第四層有鮑魚，厚切黑椒牛脷，番薯，粟米、南瓜，蘿蔔，墨汁豚肉丸，非常豐富多元配搭，鮑魚好彈牙，黑椒牛脷好入味、番薯好甜，配搭好健康👍所有海鮮嘅精華去晒落煲粥底嗰度，半隻人生雞湯煮出嚟嘅粥好清甜，