新麻蒲 BBQ (波斯富街) (已結業)

復活節假後返工個人仍懶洋洋，中午出街公幹完同老友下午一齊取半天假，去銅鑼灣吃個午餐及逛逛街！老友想吃韓燒，提議去麻浦，因為之前曾想訂位吃晚餐但聲稱不接受訂位。下午一點多應該很容易搵位，果然不用等，見個場得一半滿，見餐牌2 點後2人燒烤套餐有特價$388。無理由等四十幾分鐘，其他午餐 set 都是幾十元至一百元，幾抵吃!但今天老友想吃韓燒，於是點了一份䕶心肉、一份牛排肉及一份雜菇。上肉前例牌上泡菜、生菜、沙拉菜等。估唔到個高麗泡菜醃得好好味個䕶心肉普普通通，但牛排肉由於厚切，燒好仍然好 juicy 夾埋泡菜吃一流。吃得興起，見餐牌有馬格利，即是韓國濁米酒，有2款味道：香蕉草莓及青葡萄，每杯 $68，但一支就 $118，2個人叫2杯 $136，於是叫一支，侍應話只酒係鮮搾的。當支香蕉草莓馬格利送來時像草莓 milk shake。飲落甜甜地有少少汽，酒精度低，整體清甜合啱女仔飲，唔容易醉。